ចាប់តាំងពីត្រូវបានបង្កើតឡើងក្នុងឆ្នាំ ១៩៩៥ ក្រុមហ៊ុន កម្ពុជា តេលា បាននិងកំពុងបង្កើនចំណេះជំនាញ និងបទពិសោធន៍ដែលមិនអាចកាត់ថ្លៃបាន តាមរយៈការជ្រើសរើសបុគ្គល ដែលមានជំនាញខ្ពស់ នៅក្នុងវិស័យនីមួយៗ​ដែល​ពាក់ព័ន្ធនឹងឧស្សាហកម្មរបស់យើង។

ដើម្បីទទួលបានប្រសិទ្ធិភាព ការអនុវត្ត និងការរីកចម្រើនជាអតិបរិមា ក្នុងនាមជាសហគ្រាសស្វែងរកប្រាក់ចំណេញ យើងបានបង្កើតដេប៉ាតឺម៉ង់សំខាន់ៗ ចំនួន ១១ ដែលមានមុខងារខុសគ្នា ក្រោមការត្រួតពិនិត្យរបស់អគ្គនាយករងទាំងពីររូប ដែលត្រួតពិនិត្យ និងដឹកនាំដោយលោកឧកញ៉ា ឈុន អូន ជាស្ថាបនិកនិងជានាយកប្រតិបត្តិក្រុមហ៊ុន អស់រយៈពេល ២៥ ឆ្នាំមកហើយ។ ដើម្បីពង្រឹងកេរ្តិ៍ឈ្មោះម៉ាករបស់ក្រុមហ៊ុន និងដើម្បីទទួលបានចំណែក​ទីផ្សារ​កាន់តែច្រើនថែមទៀត នៅក្នុងទីផ្សារក្នុងស្រុករបស់កម្ពុជា នាប៉ុន្មានឆ្នាំ​ខាងមុខ ក្រុមហ៊ុនបានបង្កើតដេប៉ាតឺម៉ង់ស្រាវជ្រាវ និងអភិវឌ្ឍអាជីវកម្មថ្មីមួយ ដំណើរការដោយបុគ្គលិកអន្តរជា​តិ មកពីសហរដ្ឋអាមេរិក ន័រវែស បារាំង និងចក្រភពអង់គ្លេស​។

មានជំនាញខ្ពស់ទាំងផ្នែកគំនិត និងបច្ចេកទេសក្នុងការគ្រប់គ្រង គណៈគ្រប់គ្រងរបស់យើង គឺជាកម្លាំងជំរុ​ញដ៏សំខាន់របស់ក្រុមហ៊ុន ដែលមិនអាចកាត់ថ្លៃបានសម្រាប់ការអភិវឌ្ឍ និងការរីកចម្រើនរបស់ក្រុមហ៊ុន។