ក្រុមហ៊ុនកម្ពុជា តេលា ត្រូវបានបង្កើតឡើងដំបូងនៅឆ្នាំ ១៩៩៣ ជាក្រុមហ៊ុនកណ្តាលអាហរ័ណនីហរ័ណ ដែល​មានឈ្មោះថាកាឌីម៉ិច (Kadimex)។ ជាមួយនឹងការដឹកនាំដ៏រឹងមាំរបស់លោកឧកញ៉ា ឈុន អូន ស្ថាបនិ​​ក និងជាប្រធាន / នាយកប្រតិបត្តិ ក្រុមហ៊ុនកាមេឌីម៉ិចបានឃើញការរីកចម្រើនគួរឱ្យកត់សម្គាល់​ក្នុងរយៈពេល ពីរ (២) ឆ្នាំ ហើយបានប្តូរឈ្មោះក្រុមហ៊ុន ទៅជាក្រុមហ៊ុនកម្ពុជា តេលា នៅឆ្នាំ ១៩៩៥ ដោយ​ផ្តោតសំខាន់លើអាជីវកម្មស្នូល​របស់ខ្លួន​ គឺការចែក​ចាយ​ប្រេងឥន្ធនៈ ដើម្បីឆ្លើយតបនឹងតម្រូវការដែលកំពុង​កើនឡើង នៅក្នុង​ព្រះរាជាណាចក្រកម្ពុជា។ នៅឆ្នាំ ១៩៩៦ មួយឆ្នាំបន្ទាប់ពីការប្ដូរឈ្មោះថាក្រុមហ៊ុនកម្ពុជា ​តេលា​ ស្ថានីយស្តុកប្រេងដំបូងគេរបស់ក្រុមហ៊ុន ត្រូវបានដាក់ឱ្យដំណើរការនៅ​រាជធានីភ្នំពេញ ដែលជារាជធានីនៃព្រះរាជាណាចក្រកម្ពុជា។

នៅឆ្នាំ ២០០៤ ក្រុមហ៊ុនបានសាងសង់ស្ថានីយស្ដុកប្រេងទី២ របស់ខ្លួន មាន​ទីតាំងនៅចំណតកុងតឺន័រ ក្រុងព្រះសីហនុ​ដែលជាកំពង់ផែ ​និងទីក្រុងកំពង់ផែ ដ៏សំខាន់របស់ប្រទេសកម្ពុជា ដែលអាចឱ្យកម្ពុជា តេលា ផ្គត់ផ្គង់ប្រេងឥន្ធនៈទៅកាន់​ទាំងឧស្សាហកម្ម និងអ្នកប្រើប្រាស់ចុងក្រោយ ​តាមរយៈបណ្តាញចែកចាយយ៉ាង​ទូលំទូលាយនៅក្នុងប្រទេស។ សព្វថ្ងៃ ក្រុមហ៊ុនកម្ពុជា តេលា ជាក្រុមហ៊ុនប្រេងឥន្ធនៈ ​និងហ្គាសឈានមុខគេមួយ​នៅ​ប្រទេសកម្ពុជា ដែលមានស្ថានីយលក់រាយ និងស្ថានីយផ្ដល់សេវាកម្ម ចំនួន ១.៨៩​៩​​ នៅទូទាំងព្រះរាជាណាចក្រកម្ពុជា ហើយនៅតែបន្ដរីកចម្រើនដោយមានផែនការកែលម្អ និងការពង្រីកយ៉ាងច្រើន ដែលមានស្រាប់។